Mwaitu, Nau
Usuu, Umau
Mwanaa mwaitu, mwiitu wa mwaitu
Ukya ndwi mii, nikuukua wenda.
Andu musyi, mekoma na nzaa
Mayiiia Mulungu, “Asa mbumisye Ukya uu”
Neo mailye nthi, matambaaitye maau
Ukya ndwi mii, nikuukua wenda.
O kila mwaka, muundani
Mevanda mbemba, O vandu vamwe
Nayo mbolea ng’o!, mbua nayo malovoto
Ukya ndwi mii, ni kuukua wenda.
Ngetha yooka, liu maisembya ndunyu
Maita silingi mbau, mayiua manunu na mbovulo
Yua yooka, mayinza na silingi miongo
Ukya ndwi mii, ni kuukua wenda.
Mayitania Ngavana, mwa nitwausakuie!
Tuetee mwolyo, syana syikw’a tusyene?
Mbaitu yua niyinzawa, wakwitu ndumbiw’e!
Ukya ndwi mii, ni kuukua wenda
Mbesa sya kukuna viasala na kwitethya, milioni
mionga iiina na itano!
Mwasyonie va?, syitengwa uunike?
Ukuane na ukya musyi, uthwii uutwikanye
Ukya ndwi mii, ni kuukua wenda.
Mwana muka, mwana muika
Mutumia, mundu wi thina wa mamutha
Saa sya kukua ukya ni oyu, weteeele ki?
Ukya ndwi mii, ni kuukua wenda
Mwanaa mwaitu, mwiitu wa mwaitu
Ngavana Kivutha ndaisye atii, “O Kila Nyumba
Kalila”
Ndukile ukwate kaku, nikaa kakweteele
Too ni ukya, ikalaa ukyene
Ukya ndwi mii, nikuukua wenda
© Agnetta Nyalita – Joseph
24/03/2016
4:40 a.m.
No comments:
Post a Comment